Hei Henning. Eg hadde denne forstørraren for mange år sidan, og kan seia dette om autofokusmekanismen. Durst L-900 vert levert ferdig kalibrert for 2 objektiv frå fabrikken. Enten 50 og 105 mm eller 50 og 80 mm Rodagon WA. Som regel er alle Rodagon-objektiv, men den vart også levert med Schneider. Det første du bør finna ut av er om dei objektiva som følgjer med er dei originale. Det skal stå inngravert serienr. for objektiva på sjølve forstørraren, men eg hugsar i farten ikkje kvar dette står. Utan originale objektiv, vil du aldri få skikkeleg autofokus. Dersom dei originale objektiva er på plass, og du framleis har problem med autofokus, lyt du opna huset der kamhjula sit. Det er eit tidkrevande arbeid å justera desse slik at du får autofokus for alle forstørringsgradene, men det let seg gjera. Det beste er nok å la ein spesialist gjera jobben om du ser deg råd til det. Om du vil gjera det sjølv, så er det berre å skru laus festeskruen for kamhjulet (eitt om gongen), vri litt på det og skru fast igjen. Test for alle forstørringsgrader. Dersom det framleis ikkje er i fokus heile tida, lyt du prøva deg fram med ein ny posisjon på kamhjulet, etc. Når negativet er i fokus for alle forstørringsgrader, gjentek du prosedyren for det andre kamhjulet om nødvendig.
Lukke til!